विक्रम वेताळ मालिका

विक्रमादित्य हा एक धीडसी आणि बुध्दीमान राजा, तर स्मशानातला वेताळ भीती दाखविणारा पण मिश्किल स्वभावाचा !
सतत नव्यानव्या सुरस कथा सांगून राजा विक्रमाला कोड्यात टाकण्याता हा सिलसिला आपल्यालाही घेऊन जातो गोष्टींच्या एका अदभूत नगरीत !

या मालिकेतील कथा


समुद्रातली अप्सरा


खंरं बक्षिस


दैवी सिंहासन



पुतळे जिवंत झाले




जादूचा रत्नहार



राजपुत्राचा निर्णय



टेकडीवरचं देऊळ

गुप्त खजिना


ज्योतिषाचं नशीब




जादूची साखळी

लेखिका- वेशाली कार्लेकर
प्रत्येक पुस्तक- रु. ५०.
संच घेतल्यास रु.४००.

द स्पिरिच्युअलीस्ट

उदास, पछाडणारे वातावरण, शृगांरिक गूढरम्यता व त्याबद्दलचे विचित्र आकर्षण
द स्पिरिच्युअलीस्ट



कधी कधी सत्य हा फार मोठा भ्रम असतो !
१८५६च्या बोच-या थंडीच्या रात्री एव्हेलिन अथरटनचा पती एका खास बैठकीमधून परत येताना त्याचा खून होतो.
त्याची पत्नी एव्हेलिनच खुनी असावी असा संशय घेतला जातो,
पण खुन्याचा शोध घेतल्याशिवाय तिला मात्र या किटाळातून बाहेर पडता येणार नसते. या वेळी तिच्या पतीचा जिवलग मित्र तिच्या मदतीला येतो. त्याने तिचे वकीलपत्र घेतलेले असते. पण याच वेळी परलोकविद्यच्या गूढ विश्वात तिचा प्रवेश होतो. ह्या ठिकाणी विलक्षण भारुन टाकणा-या मायकेल जॉर्डन या व्यक्तिशी तिची गाठ पडते. तिला खात्री असते की हा इसम लबाड आहे, पण त्याची मदतच तिला निर्दोष ठरविण्यासाठी उपयोगी पडणार असते.
जॉर्डनच्या सान्निध्यात तिचा प्रवेश एका विलक्षण चमत्कारिक विश्वात होतो. तिला मृतात्म्यांचे आवाज ऐकू येऊ लागतात. या भीतादायक विश्वामध्ये ती एकाच वेळी खेळीयापण असते व खेळातील एक प्यादेपण!
त्यामुळे कुणावर, अगदी स्वतःवरही कसा विश्वास ठेवावा हे तिला समजेनासे होते.
तिची सासरची माणसे तर तिला खुनी ठरवून फासावर चढविण्यासाठी प्रयत्नशील असतात. वेळ भर्रकन् निघून चाललेला असतो. भूतकाळातील पिशाचांना सामोरे जाण्याशिवाय तिला गत्यंतर नसते...


लेखिका - मेगन चान्स
अनुवाद- मुकुंद कुर्लेकर
पृष्ट- ३१२
किंमत- ३२० रुपये

अ प्रिझनर ऑफ बर्थ

मित्राचा खून केल्याच्या आरोपावरुन तुरुंगात जाणा-या व आश्चर्यकारकरित्या बाहेर येऊन ख-या गुन्हेगारांना धडा शिकविणा-या डॅनची उत्कंठावर्धक कथा


डॅनी कार्टराईटने बेथ विल्सनला लग्नाची मागणी आदल्या दिवशी किंवा दुस-या दिवशी घातली असती, तर त्याच्यावर आपल्या जिवलग मित्राचा खून केल्याच्या आरोप ठेवण्यात आला नसता आणि त्याला अटकसुध्दा झाली नसती.
जेव्हा फिर्यादी पक्षाकडून चार नामांकित साक्षीदार आणण्यात येतात; एक बॅरिस्टर, एक लोकप्रिय अभिनेता, एक उच्चकुलीन प्रतिष्ठित व्यक्ती आमि एक नावाजलेल्या फर्ममधला तरुण, धडाडीचा पार्टनर....
तेव्हा तुमची बाजू कोर्टात कोण ऐकून घेणार ?
डॅनीला बावीस वर्षाच्या जन्मठेपेची शिक्षा होते.त्याला वेलमार्श तुरुंगात पाठवणायत येतं. देशातल्या सर्वात जास्त कडक सुरक्षाव्यवस्थेसाठी प्रसिध्द असलेला हा तुरुंग!
आजवर कोणताही कैदी तिथून पळून जावू शकला नाही.
पण डॅनीच्या अंतर्यामी एक आग भडकलेली आहे.
आपल्यावर झालेल्या अन्यायाचा बदला घण्याची आग.
ती आग त्याला जाळते आहे; पण याची किंचितही कल्पना स्पेन्सर क्रेन, लॉरेन्स देवनपोर्ट, जेरॉल्ड पेन आणि टीवी मोर्टिमर यांनी नाही.
डॅनीला साथ आहे त्याच्या प्रेयसीची, बेथची.
डॅनीच्या नावाला लागलेला कलंक धुवून काढण्साठी तिनेही न्यायालयाची दारं ठोठावलेली आहेत. सच्चा दिलाच्या या प्रेमिकांच्या अथक् प्रयत्नांनी अखेर त्या चौघांना पळता भूई थोडी होते.
जिवावर उदार होऊन अखेर रणांगणातून पळ काढावा लागतो.

वाचकांची मती गुंग करणारी; शेवटच्या पानापर्य़ंत वाचकांच्या मनाचा ताबा घेऊन त्यांना खिळवून टाकणारी ही कादंबरी!


मूळ लेखक- जेफ्री आर्चर
अनुवाद- लीना सोहोनी
पृष्ठे- ५८२
किंमत- ५०० रुपये

वन फुट रॊँग

सच्चा आवाज.
बालपणीच्या धास्तीभरल्या आठवणी जाग्या करता करता उदात्ततेला आवाहन करणारी
आणि वास्तवापुढे मान तुकवणा-या निरागसतेची वेदना टिपणारा सच्चा आवाज़!
सोफी लगूनानं रेखाटलेलं जग, व्यक्तिरेखा आणि व्यक्तिरेखेला साजेशी भाषा यात
वाचक गुंगून जातो.
हे सारं एका दारुण वास्तवाच्या कथानकाला हाताळताना,
एवढ्या तीव्र आणि प्रभावशाली शैलीत ती करु शकली आहे,
हीच तिच्या ठायीच्या चातुर्य, कलाकौशल्य आणि परिपक्वता
या गुणांना मिळालेली पावती म्हटली पाहिजे.
भडक पत्रकारितेच्या हे सर्वस्वी विरुध्द आहे.
हे माणुसकी, मनोविकार आणि सत्य यांनी ओतप्रोत भरलेलं आहे.

मूळ लेखक- सोफी लगूना
अनुवाद- सुनीति काणे
पुष्ठे- १५८
किंमत- १६० रुपये.

मी चित्र रेखाटत असताना पेन्सिल माझ्याशी कुजबुजत असे. ती म्हणते असे, “मी कल्पांतापर्यंत तुझी मैत्रीण राहीन.” मी तिला प्रश्न करत असे, “ कल्पान्त म्हणजे काय?” पेन्सिल उत्तर देत असे,”कल्पान्त म्हणजे जमीन भिंती नसलेली अमर्याद पोकळी.”
एकलकोंड्या आणि धर्मवेड्या आई-बापांनी त्यांच्या लेकराला घरात बंदिवासात ठेवलं आहे. हेस्टर कधीही दुस-या कुणा लहान मुलीशी बोलू शकलेली नाही किंवा तिनं घराबाहेरचं जगही पाहिलेलं नाही. मुलांसाठीचं सचित्र बायबल ही तिची एकमेव दौलत आहे. त्यातली कल्पनासृष्टी हा तिला बाहेरच्या जगाशी जोडणारा एकमेव दुवा आहे. तिचे सवंगडी आहेत घरातलं मांजर आणि चमचा, दरवाजा, दरवाज्याची मूठ, झाडू, बागेतलं झाड अशा गोष्टी! आणि याच गोष्टी कधी कधी तिला काय करावं याबद्दल सल्ला देत असतात.

एकदा दरवाज्याची मूठ तिला सांगते,” हेस्टर... मला धरून फिरव... मला धरून फिरव.”तसं केल्यावर तो दरवाजा उघडतो आणि बाहेरचं निषिध्द जग तिच्यापुढे खुलं करतो. बाहेरचा प्रकाश, मोकळं आकाश आणि खुला निसर्ग पाहून ती अवाक होते. या गोष्टी पाहून मनी दाटून आश्र्चर्याला वाचा फोडायला तिला लेखणीनं चित्र रेखाटावी लागतात.

या क्षणापासून हेस्टरला जाणीव होते, की काही गाष्टी ती आई-वडिलांना सांगू शकणार नाही. तिला उमगतं, की` गुपित नेहमी मुकं असतं. ते तुमच्या मनाच्या काळोख्या कोप-यात दडून वाट पाहत असंत.` हेस्टरच्या मनात दडलेली गुपितं वाढतच जातात आणि मुक्त होण्याचा पर्याय सापडेपर्यंत प्रतीक्षा करणं तिला भाग पडतं.

`वन फूट रॉंग`मध्ये सांगितलेली कहाणी बरेचदा उदास करणारी आणि भीषण वाटते; परंतु सोफी लगूनच्या भाषेचं झळाळतं तेज, तिची कल्पकता आणि तिनं उभी केलेल्या कल्पनासृष्टी पुस्तकाचं प्रत्येक पान उजळून टाकते आणि या कादंबरीला मनोवेधक, प्रबोधक आणि वास्तव बनवते. `मिट्ट काळोखातच तारे झळाळून चमकतात.`

सामान्य वाचकाला सहजपणे कळेल

तरुणांना स्फूर्ती देणारे पुस्तक..

मेहता पब्लिशींग हाऊसच्या वतीने ११ नोव्हेंबरला प्रकाशित झालेल्या स्टीव्ह जॉब्ज यांच्या वरच्या पुस्तकाबाबात माहिती देण्यासाठी शुक्रवारी पुण्यात प्रकाशकांच्या कार्यालयात लेखक अच्युत गोडबोले आणि अतुल कहाते या पुस्तकाबाबत बोलताना,यात आम्ही
संगणकाच्या तांत्रिक बाबींपेक्षा त्याच्या आयुष्यातील चढउतार, जॉब्जची उद्योजकता, कल्पकता यांच्यावर भर देऊन तो रंजक करण्यावर आम्ही भर दिलाय. त्यामुळे तो कोणालाही आवडेल याची आम्हांला खात्री आहे,असे म्हटले.

स्टीव्ह जॊब्ज बाबतीतील मराठी माणसांची उत्सुकता पूर्ण व्हावी म्हणून प्रकाशक सुनिल मेहता यांनी असे पुस्तक काढायचा निर्णय घेतला. आणि आम्ही दोघांनी आठ दिवसात स्टीव्ह बाबतची एकूणच माहिती गोळा केली. वाचकांना अधिकाधिक सोप्या भाषेत आणि सहजपणे कळेल अशा शब्दात या पुस्तकात सारी माहिती दिली असल्याचे लेखकद्वयी सांगते.
क्ल्पकता आणि उद्योजकता याचे दर्शन त्यांच्या आयुष्याचा महत्वाचे गुण होते. तेच हायलाईट करण्याचे आम्ही ठरविले. कुठलीही आतिशयोक्ती न करता पुस्तक लिहिण्याचा प्रयत्न केल्याचे ते सांगतात.

अच्युत गोडबोले आणि अतुल कहाते यांनी पाचएक पुस्तकाबाबात एकत्रित लेखन केल्याचे सांगताना...पुस्तकातील माहितीचे एकमेकात देवाणघेवाण करुन अच्युत गोडबोले यांनी सामान्य वाचकाला सहजपणे कळेल आणि अचूक पुस्तक होईल याकडे विशेषत्वाने लक्ष अधिक दिल्याचे गोडबोले सांगतात.
पुढच्या आवृत्तीत आवश्यक असेल तर अधिक आणि नव्याने द्यावीशी वाटलेली माहिती जरुर पडली तर वाढविण्याचा निर्णय घेतला जाईल, असेही ते सांगतात.
यावेळी मेहता प्रकाशनातर्फे अखिल मेहता उपस्थित होते.

राजा रवि वर्मा

लेखक- रणजित देसाई
आठवी आवृत्ती- सप्टेंबर,२०११
पृष्ठे- ३००
किंमत- ३२० रुपये

अशा कादंब-या सत्त्यावरच आधारलेल्या असाव्यात हा माझा आजवरचा अट्टाहास. स्वामी, श्रीमान योगी, राधेय हे त्या ऐतिहासिक सत्त्यांशीच जखडलेले होते. पण जेव्हा एका कलावंताचे चरित्र आपण लिहायला घेतो, तेव्हा नुसत्या सत्त्याचाच आधार घेऊन चालत नाही. तेथे कलावंताच्या कल्पकतेचा आधार मला शोधावा लागला. यातल्या सा-याच व्यकितरेखा वास्तवातल्या नाहीत. काही कल्पनेतून साकारलेल्या आहेत. याची वाचकांनी नोंद घ्यावी.

एवढेच सांगावेसे वाटते- आजवर भारतीय साहित्यात चित्रकाराच्या जीवनावर कोणीही काही लिहले नाही. पण ज्यांनी भारतीय चित्रकलेला एक वेगळे वळण लावले त्या चित्रकाराच्या जीवनावर कादंबरी लिहिण्याचा मी प्रयत्न केला. त्यामध्ये पाच वर्षे खर्ची पडली. पण एका चांगल्या कामासाठी पाच वर्षे गेली याचे मला समाधान आहे.
आयुष्य नेहमी जातच असते. पण ते कोणत्या मोलाने जाते याला महत्व असतें.

रणजित देसाई

१९८४


- लेखक- रणजित देसाई
- आठवी आवृत्ती- सप्टेंबर,२०११
- पृष्ठे- ३००
- किंमत- ३२० रुपये

“बाईसाहेब, आपल्याला मी पाहिलं, आणि राहवलं नाही. दररोज मी आपल्याला पाहात होतो, आणि घरी जाऊन आठवणीने आपलं तित्र पुरं करण्याचा प्रय्तन करीत होतो”.
सुगंधा आपल्या दासीकडे वळली. तिच्या कानात तिनं काहीतरी सांगितलं. क्षणात दासी देवळाबाहेर निघून गेली. रवि वर्म्यानं विचारलेल्या प्रश्नानं सुगंधा बानावर आली.
“अपल्याला हे चित्र आवडलं नाही?”
सुगंधानं नकळत मान हालवली.
“बाईसाहेब, प्रत्यक्ष रुप आणि कल्पनेतलं रुप यांत पुष्कळ फरक पडतो, हे मी जाणतो. पण एक सांगावसं वाटतं. परमेश्वरानं आपल्याला उपजत असामान्य रुप-लावण्यं दिलं आहे. ऐश्वर्यही दिलं आहे. पण ते ऐश्वर्य आणि लावण्यं या जगातील कोणतीही शक्ती चिरंतन टिकवू शकणार नाही. दीर्घायुष्य लाभलं तर, आपल्या चेह-यावरचं लावण्य वृध्दापकाळाकडे झुकेल. त्या चेह-यावर सुरकुत्यांची जाळी विणली जातील. आजच्या मादक डोळ्यांत क्षीणता येईल. तिथं पाणावलेले, थिजलेले नेत्र दिसू लागतील. त्या नेत्रात असाह्यता दिसू लागेल. ती अवस्था झाली तर, हे चित्र तुम्हाला तुमच्या हरवलेल्या तारूण्याची, रुपसंपन्न्तेची आठवण देत राहील. हे चित्र त्यासाटी तुम्ही जतन करा. आज नाही तरी, केव्हातरी तुम्हाला ते उपयोगी पडेल. तुम्हाला जगण्याचं बळ देईल.”
आणि एवढं बोलून रवि वर्मा मंदीराच्या बाहेर पडला.
झालेल्या प्रसंगानं आवाक् बनलेली सुगंधा तिथचं उभी होती. दासीच्या बोलण्यानं ती भानावर आली.
“बाईसाहेब, तो राजा रवि वर्मा होता.”
--------------------------------------------

सकाळच्या वेळी शिसवी कोरीवकाम केलेल्या मेजासमोर मंचकावर बसून सुगंधा समोरच्या आरशासमोर आपले केस विंचरत होती. आरशातून स्वतःच्या चेह-याबरोबर तिला मागील चित्रही दिसत होतं. आपल्यापेक्षा ते चित्र अधिक सुंदर तिला वाटत होतं....
किती सुंदर हे चित्र!.. आपण एवढ्या सुंदर वाटतच नाही...
----------------------------------
डाव्या गोलाकार जिन्यावरुन येत असलेले रवि वर्मा पाहताच सुगंधा उठून उभी राहिली.
“बाईसाहेब, मी एक अतृप्त चित्रकार आहे. चित्रकलेखेरीज मला काही दिसत नाही. सुचत नाही. तुम्हाला मी पाहिलं. महाराष्ट्रीय पोशाखातील तुमचे दर्शन मला मोठं विलोभनीय वाटलं. देवानं तुम्हाला नुसतं सौंदर्य दिलं नाही. त्याबरोबरच सात्विकतेचा, नीरागसतेचा भावही दिलेला आहे.”
“आपल्याला काय म्हणायचं आहे?”
“ बाईसाहेब, मी एका श्रीमंत घराण्यात वाढलो असलो तरी माझे आईवडील... त्यांनी मला फार निरळे संस्कार दिले. वेदपठण, कथाकीर्तन ऐकत मी वाढलो. त्यामुळं ती नलदमयंती, हंस-दमयंती, ती सैरंध्री, द्रौपदी ही सारी रुपं माझ्या मनाच रेंगाळत होती. पण ती द्रौपदी, सीता, ती लक्ष्मी, सरस्वती आणू कुठून? ते सामर्थ्य देवानं तुमच्या रुपाला दिलेलं आहे. तुम्ही मला सहाय्य केलं तर, माझी सारी स्वप्नं साकार होतील, मी तुम्हाला आस्वासन देतो की, माझ्या कलेव्यतिरिक्त कोणताही अन्य विचार माझ्या मनात येणार नाही. माझ्या चित्राचं मोल द्यायचं असेल तर तेवढंच मला मिळावं.”
सुगंधानं एक दीर्घ निःश्वास सोडली. ती म्हणाली,
“मी विचार करते.:”
( पुस्तकातील काही अंश )