द सिक्स व्हॅल्यू मेडल्स

२१ व्या शतकात य़शस्वी होण्यासाठी या सर्जनशील विचारपध्दतीचा वापर करणे गरजेचे आहे

सर्व गोष्टी `मूल्य` या संकल्पनेशी निगडीत असतात. कुठल्याही उद्योगाचा अथवा सरकारी संस्थेचा `मूल्य` निर्मितीवर भर असतो. आणि आता वाढत्या प्रमाणात आपण आपल्या वैयक्तिक आयुष्यातही त्या गोष्टीला महत्व देत असतो.
हे जरी खरं असलं, तरी `मूल्य` ही अस्पष्ट आणि अनाकलनीय संकल्पना आहे. पारंपारिक विचारपध्दतीला छेद देत, आपल्या व पुस्तकाद्वारे लेखक एडवर्ड डी बोनी यांनी एका वेगळ्या विचारपध्दतीची साधी पण आकर्षक चौकट आपल्यासमोर मांडलेली आहे.

सर्वसामान्य व्यक्ति तसेच उद्योगसमूहाचे नेतृत्व करणा-यांसाठीही मूल्यांच्या आधारावर, सर्जनशील आणि परिणामकारक निर्णय घ्यायला या नवीन विचारपध्दतीचा नक्कीच फायदा होईल.

थोडक्यात `द सिक्स व्हॅल्यू मेडल्स` ह्या पुस्तकामुळे तुम्ही अगर तुमचा उद्योग यशस्वी होण्यासाठी, मूल्यांचा योग्य रितीने वापर करुन सुधारणेत वाव असलेल्या बाबी अचूक शोधू शकता, परिणामी तुमची कार्य़क्षमताही वाढते...


मानवी विचारशक्ती हे एक मोठं महत्वाचं साधनं आपल्यापाशी उपलब्ध आहे आणि त्याच्यात सुधारणा करण्याला भरपूर वाव आहे. हे पुस्तक नवीन विचारपध्दती आणि नवीन सूत्र सुचवते. या पुस्तकात विचारांच्या संदर्भात सहा मूल्यांच्या पदकांची संकल्पना मांडलेली असून, तिचा उपयोग कसा करायचा हे दाखवलेलं आहे. सर्वप्रथम सहा मूल्याच्या पदकांची ओळख करुन दिली जाते आणि मग त्यांचा वापर कसा करायचा ते शिकवलं जातं. तुम्हला या मूल्यांचं मूल्यांकन करता येईल आणि त्यांचा आलेख मांडला येईल. जीवनातल्या प्रत्येक अंगाचा विचार करुन निर्णय घेताना, या महत्वाच्या साधनांचा तुम्हाला उपयोग होईल.


लेखक- एडवर्ड डी बोनो
अनुवाद- सुभाष जोशी
पृष्टे- ११६
किंमत- १२० रुपये