सर्वसाधारणपणे समजलं जातं, तितकं काही श्रीमंत होणं कठीण नाही.
वॉल्ट डिस्नेपेक्षा तर आपली परिस्थिती निश्चितच वाईट नसेल. ते इतके गरीब होते की, ते फाटकेच बूट घालायचे. कारण ते बूट शिवायलादेखिल त्यांचेजवळ पैसे नव्हते.
धीरुभाई अंबानींपेक्षा आपली परिस्थिती नक्कीच चांगली असेल. ते एके काळी पेट्रोल पंपावर पेट्रोल भरणा-या पो-याचं काम करीत.
आपली परिस्थिती एंड्रयू कार्नोजीइतकी वाईट नाही. ते कधी कधी हमाली करायचे.
आणि हर्लेन सॅंडर्सपेक्षा तर आपली परिस्थिती वाईट असणारच नाही. कारण ते वयाच्या साठाव्या वर्षापर्य़ंत दरिद्रीच होते.
हे सगळे लोक आणि यांच्यासारखे इतर लोक विलक्षण अडचणी आणि संकटाचा सामना करुनच श्रीमंतीच्या शिखरावर पोहोचले होते.
कारण कळत-नकळत त्यांनी श्रीमंत होण्याच्या नियमाचं पालन केलं लोतं...
खालील प्रश्नांची उतरं मिळवण्याकरता हे पुस्तक वाचा...
• हे लोक सामान्य परिस्थितीमध्ये रहात असूनही त्यांना य़शाचं शिखर कसं गाठलं ?
• त्यांनी दारिद्र्य शिक्षणाचा अभाव आणि अपयशाचा सामना कसा केला ?
• कुठल्या सवयीमुळे ते श्रीमंत होऊ शकले ?
मूळ लेखक- डॉ.सुधीर दीक्षित
अनुवाद- प्रशांत तळणीकर
पृष्ठे- २८२
किंमत- २९० रुपये
हे पुस्तक वाचून तुमच्या ज्ञानात भर पडेलच., पण तुम्हाला त्यातून प्रेरणाही मिळेल....
धनाढ्य लोकांच्या जीवनापासून प्रेरणा घेऊन तुम्ही या पुस्तकातल्या नियमांचे आपल्या आयुष्यात थोडं तरी पालन केलं तरी तुमच्या आर्थिक परिस्थितीमध्ये समाधानकारक सुधारणा झाल्याचं तुम्हाला आढळेल.
जगभरातल्या अक्षरशः हजारो श्रीमंत लोकांच्या जीवनाचा अभ्यास करून त्यापैकी ११२ जणांच्या कथा या पुस्तकात समाविष्ट केलेल्या आहेत.
आणखी एक गोष्ट म्हणजे, ज्या लोकांना त्याचं ऐश्व्रर्य वारसाहक्कानं किंवा निव्वळ नशीबानं मिळालंलं नाही, तर त्यांनी आपली बुध्दी आणि कठोर परिश्रम, यांच्याबळावर ते मिळवलं, अशाच लोकांच्या कथा इथे निवडलेल्या आहेत. म्हणूनच मुकेश अंबानी वा अनिल अंबानी आज जगातल्या सर्वात श्रीमंत लोकांच्या यादीत असले तरी या पुस्तकात त्यांच्या वडीलांच्या कथेचा समावेश केला आहे कारण, धीरूभाई अंबानी यांनी रिलायन्स नावाचं साम्राज्यं उभं केले.
या पुस्तकात आणखी एका गोष्टीकडे लक्ष दिलं गेलं आहे, आणि ते म्हणजे ज्या श्रीमंत लोकांनी त्यांची संपत्ती शंकास्पद मार्गानं मिळविली आहे, वा ज्यांची प्रतिमा विवादास्पद आहे, अशा लोकांना इथं स्थान दिलं गेलेलं नाही.
.
No comments:
Post a Comment