लेफ्ट टू टेल

रवांडाच्या प्रलयंकारी हत्याकांडात एका तरुणीने अनुभवलेली ईश्वरनिष्ठेची प्रचंड शक्ती!

अफ्रिकेतील रवांडा या देशात १९९४ साली `हुतू` आणि `तुस्सी` या जमातीमध्ये भीषण हत्याकांड घडून आले.
जवळपास दहा लाखाहून अधिक माणसांचा बळी घेतलेल्या या दंगलीने देशात अराजकाचे सत्र निर्माण झाले. या भयावह कत्तलीच्या काळ्या सावलीत एक लहानशी मुलगी जीव मुठीत धरुन तो हिंसाचार डोळ्यात साठवत होती.
या नरसंहारात आपलं कुटुंब गमावूनही त्याबद्दल संयतपणे बोलणा-या इम्माकुली इलिबागिझाची ही कहाणी.

माणसांमधील असीम कुरुपता आणि क्रौर्य पाहुनही त्यांच्यामधील ईश्वराचे अस्तित्व शोधणारी आणि माणसांच्या जगातील प्रेम, दया, शांती या जाणीवांना आवाहन करणारी ही इम्माकुली पुस्तकाच्या प्रत्येक पानागणिक वाचकाला अधिकाधिक अंतर्मुख बनवत जाणारी आहे.

मुळ लेखन- इम्माकुली इलिबागिझा, स्टीव्ह एर्विन
अनुवाद- ज्योत्स्ना लेले
पृष्ठे- २२२
किंमत- २९५ रुपये.

मारेकरी घरापासून दूर गेले आणि आम्ही पुन्हा मोकळा श्वास घेऊ लागलो. या वेळी ते निघून गेले होते, पण पुढील तीन महिन्यांच्या काळात अनेकदा परतणार होते. देवानं माझे प्राण वाचविले, यावर माझा विश्वास आहे. पण त्या एक्क्याण्णव दिवसांत त्या कपाटाएवढ्या आकाराच्या बाथरुममध्ये इतर सात जणींबरोबर भीतीनं थरकाप झालेल्या अवस्थेत घालविलेले क्षण मला बरचं काही शीकवून गेले. `सुरक्षित ठेवणं `आणि `वाचविणं` यामधला फरक मला समाजला आणि या अनुभूतीनं मला अंतर्बाह्य बदललं. त्या सामुदायिक हत्याकांडातही मी नव्यानं शिकले, ज्यांनी माझा द्वेष केला, मला मारण्यासाठी पाठलाग केला; त्यांच्यावरही प्रेम कसं करावं आणि ज्यांनी माझ्या कुटुंबाची कत्तल केली, त्यांनाही माफ कसं कराव!`