नो कम बॅक्स

स्टार्ट टू फिनिश- टोटल सस्पेन्स!

मार्क सॅंडरसन-
एक अतिशय श्रीमंत, लक्षाधीश उद्योगपती. पण एकाकीपणा हे त्याला सतत टोचणारं शल्य होतं. अशातच रुपसुंदर अंजेला समर्स त्याच्या आयुष्यात आली. पण... पण ती विवाहीत होती. हवी ती गोष्ट काहीही करुन मिळवायचीच हा मार्कचा स्वभाव!
आपल्या प्रियतमेच्या प्राप्तीसाठी तिच्या नव-याचा काटा काढायचा अत्यंत योजनाबध्द कट त्यानं आखला..पण प्रत्यक्षात काय़ घडल?....

सॅम्युएल नॅटकिन-
एक सामान्य कारकून.
बायकोच्या आजारपणामुळे शरीरसुखाला पारखा झालेला!
ही भुक भागविण्याची एक अकल्पित संधी एक दिवस त्याच्यासमोर आली..
पण विलक्षण विषयसुखाच्या मोहापायी तो महाबिलंदर ब्लॅकमेलर्सच्या जाळ्यात सापडला...!
त्यांच्या तावडीतून त्याची सुटका झाली का ?

टिमोथी हॅन्सन-
लंडनमधला एक धनाढ्य लक्षाधीश. असाध्य दुखणं जडल्यामुळे मृत्युपत्राव्दारे आपली अफाट संपत्ती त्यानं आपल्या एकमेव नावडत्या बहिणीच्या नावे केली..
पण नंतर काय घडलं?

हायजॅकर मर्फी-
ब्रॅंडीच्या नउ हजार बाटल्य़ा चोरुन हजारो पौंड्स कमावण्यासाठी हायजॅकर मर्फीनं एक अफलातून घाट घातला. त्यासाठी एक अख्खा जॅगरनॉट ट्रेलर त्यानं चक्क पळवून नेला..! त्याचा तो धाडसी बेत यशस्वी झाला का?

हॅर्बर्ट लार्किन-
जुनं घर पाडून त्यांच्या मोबदल्यात नवीन घर दिलं जात असतानाही हॅर्बर्ट लार्किन आपलं घर सोडायला तयार नव्हता, म्हणून डब्लिन सिटी कौन्सिलनं या हट्टी म्हाता-याला बळजबरीनं त्याच्या घरातून बाहेर काढलं. त्याचं घर पाडण्यात आलं तेव्हा घरातल्या एका भिंतीमधून एका स्त्रीचा मृतदेह बाहेर पडला!
कोण हेती ती?....लार्किनची बायको?...
म्हणून तो आपलं जुनं घर सोडायला तयार नव्हता का ?

वेडी अभिलाषा, खून, फसवणूक, सूड, अलौलिक बुध्दिचातुर्य अशा विविध रहस्यांनी ओतप्रोत भरलेल्या सनसनाटी दहा रहस्याकथांचा जबरदस्त कथासंग्रह...



मूळ लेखक- फ्रेडरिक फॉर्सिथ
अनुवाद- विजय देवधर
पृष्ठे- ४६४
किंमत- ४४५ रुपये.
मुखपृष्ठ- चंद्रमोहन कुलकर्णी